Prompt — البرومبت
الـ prompt هو الأمر أو السؤال اللي بنكتبه إحنا للنموذج عشان يفهم شو بدنا منه، يعني هو 'الطلب' اللي بيشغّل الذكاء الاصطناعي، وبنسمع عنه كتير لأنه المفتاح اللي بيحدد جودة الإجابة.
مصطلحات البرومبت والتعامل مع النموذج
ليش نفس السؤال بصياغتين بيعطي جوابين مختلفين؟
الفرق بين جواب ممتاز وجواب فاضي من نفس النموذج غالباً بالصياغة مش بالنموذج. وهالعائلة من المصطلحات بتفسّر ليش.
بدأنا من أبسط مفهوم (النصّ اللي بتكتبه) ووصلنا لأعقدها (كيف بينخدع النموذج بنصّ مدسوس) — وكل مصطلح بيبني على اللي قبله.
وفي برومبت تاني ما بتشوفه أصلاً:
System Prompt — برومبت النظام
النص أو التعليمات الأساسية اللي بنحطها للـLLM قبل ما يبلّش يشتغل لتحديد السلوك العام، بنسمع عنه لأنه بيوجّه النموذج ويمنع خروجه عن السياق.
ولما تصير الصياغة مهارة مقصودة:
Prompt Engineering — هندسة البرومبت
هالطريقة يعني نكتب الـprompt بطريقة ذكية عشان نحصل على استجابة منيحة من الموديل. بنستعملها عشان نتحكم بالنتيجة ونقربها من اللي بدنا ياه
وأبسط أسلوبين بالصياغة:
Zero-shot — بلا أمثلة
يعني إنك بتطلبي من النموذج يعمل حاجة ما دراب عليها ولا شُفت أمثلة عليها، الذكاء الاصطناعي بيحاول يفهم المطلوب من أول مرة بناءً على معرفته العامة. بنسمع عنه كتير عشان بيوفر وقت ما بدنا نعلّم النموذج على حالات جديدة.
Few-shot — بأمثلة قليلة
هاي تقنية بنعطي فيها الـ AI أمثلة قليلة جداً، ممكن اتنين أو تلاتة، عشان يفهم المطلوب منه ويشتغل، بنستخدمها لما ما عنا بيانات كتيرة أو بدنا نوفّر وقت.
ولما تطلب منه يفكّر بصوت عالي:
Chain of Thought — سلسلة التفكير
chain-of-thought يعني بنطلب من الموديل يفكر بصوت عالي ويحكيلنا خطواته قبل ما يعطي الجواب، وهاد إشي بيحسّن دقة الإجابات كتير خصوصاً في المسائل اللي بدها تفكير.
وفي إعداد بيتحكّم بمزاجه:
Temperature — درجة الحرارة
إعداد بيتحكّم بعشوائية الجواب: القيمة الواطية بتعطي أجوبة متوقّعة ومتكرّرة، والعالية بتعطي تنوّعاً أكتر — وأخطاءً أكتر كمان.
وأشهر مشكلة بتصادفك:
Hallucination — الهلوسة
يعني النموذج بيخترع معلومات مش موجودة أصلاً وبيقدمها وكأنها حقيقية! إشي خطير لأنه الكمبيوتر بيكون واثق من إجابة غلط.
وفي طبقات بتحاول تمنع الضرر:
Guardrails — حواجز الأمان
طبقات فحص قبل النموذج وبعده بتوقف الطلبات والمخرجات الخطرة. وهي السبب إنه المساعد بيرفض طلب عادي أحياناً.
وأخطر ثغرة بهالعائلة كلها:
Prompt Injection — حقن الأوامر
هجوم بنحط أوامر مخادعة داخل الـprompt لتلخبط الموديل، بدنا ننتبه له لأنه بيخلّي الموديل يطلع معلومات مش مقصودة.