عن «شو في AI؟»

«شو في AI؟» منصّة عربية بتشرح الذكاء الاصطناعي بلغة يفهمها أي حدا — بلا تهويل، وبلا تبسيط بيضيّع المعنى.

بدأت لأن المحتوى العربي عن الذكاء الاصطناعي كان مقسوم لقسمين: إمّا أخبار مثيرة بلا شرح، أو مادة أكاديمية ثقيلة. وبينهم فراغ كبير — شخص بده يفهم شو بيصير فعلاً عشان يقرّر كيف يستخدم هالأدوات بشغله وحياته.

مين ورا الموقع

تخصّصي التعلّم العميق ومعالجة اللغة الطبيعية، وبحثي على كشف خطاب الكراهية متعدّد اللغات بالعربية والتركية والإنجليزية — باستخدام معماريات transformer زي XLM-RoBERTa وMARBERT.

قبل الدكتوراه، اشتغلت باحثة تعلّم آلة مع مشروع AutoECG بحاضنة UCAS، ومحاضِرة بجامعة الإسراء، ومعيدة بالجامعة الإسلامية. وطوّرت مواقع وأنظمة كتيرة، وأدرت مشاريع — ولسّاتني بدير مشاريع لليوم. وماجستيري بعلوم البيانات من الجامعة الإسلامية بغزّة، ورسالتي كانت عن كشف وتنقية خطاب الكراهية بالنصوص العربية بالتعلّم العميق.

وليش هاد بيهمّك كقارئ؟ لأن اللي بكتبه عن العربي والذكاء الاصطناعي — ليش التقطيع بياخد توكنز أكتر، وليش النماذج بتضعف باللهجات — مش نقل عن مقالات إنجليزية. هاد مجال شغلي البحثي اليومي.

أبحاث منشورة

• Multilingual Hate Speech Detection with XLM-RoBERTa — مؤتمر ICE 2025
• Android application for multilingual hate speech detection: using XLM-RoBERTa and ONNX optimized — Journal of Computer & Electrical and Electronics Engineering Sciences, 2026
• Detecting and Cleaning Arabic Hate Speech Texts Using Deep Learning Approach — رسالة ماجستير

كيف بينكتب المحتوى

• المصادر مربوطة بالنصّ نفسه — مش أرقاماً بالآخر. أي معلومة حسّاسة إلها رابط تقدر تفتحه.
• ما بننقل أرقاماً بلا مصدر، وما بنخترع إحصائيات لتقوية فكرة.
• الرسوم التوضيحية من إعدادنا — مش مسحوبة من مواقع تانية.
• بنكتب حدود الأدوات زي ما بنكتب فوائدها — كل مقالة فيها قسم «أخطاء وسوء فهم شائع».
• بنعدّل المقالات القديمة لما تتغيّر المعلومة، وبنربطها بالجديد.

تواصل